“Şoyqu sağdır, o, sursat axtarır”.

Xəbər verilir ki, bu barədə Ukraynanın “QORDON” nəşrinin baş redaktoru Alesya Batsmana keçmiş KQB kəşfiyyatçısı, Rusiya Prezidenti Vladimir Putinin keçmiş sinif yoldaşı Yuri Şvets müsahibəsində deyib.

Rusiya Müdafiə Nazirliyinin rəhbəri Sergey Şoyqunun “yoxa çıxması” ilə bağlı mediada çoxlu söz-söhbətlər dolaşır. O, Şoyqunun son vaxtlar sursat axtarışı ilə məşğul olduğunu deyib.

O, Şoyqunun və RF Silahlı Qüvvələrinin Baş Qərargah rəisi Valeri Gerasimovun səhhətinin pisləşməsi ilə bağlı məlumatı şərh edib: “Hər ikisi sağdır, mən sizə diplomatik cavab verəcəm”.

“Başa düşdüyüm qədər, Şoyqu son vaxtlar sursat axtarmaqla məşğuldur”, – Şvets bildirib.

Onun sözlərinə görə, Rusiya ordusunun sursatları tükənmək üzrədir.

“Zavodlar ya boşdur, ya da imkanları çatmır. Kömək üçün çinlilərin yanına qaçdılar. Çinlilər isə “yox” dedilər… Bu, onlar üçün çox acınacaqlı vəziyyətdir. Bəlkə də bu axtarışlarla əlaqədar… şamanların köməyi ilə tayqada hardasa sursat axtarırlar”, – Şvets əlavə edib.

Bundan əvvəl rusiyalı jurnalistlər Şoyqunun informasiya məkanından yoxa çıxmasına diqqət çəkiblər. Nazir martın 11-dən sosial şəbəkələrdə və yayımlarda görünmür.

Daha sonra Rusiya Müdafiə Nazirliyinin rəhbərinin ürək xəstəliyinin olması ilə bağlı məlumatlar ortaya çıxıb. Putinin sözçüsü Dmitri Peskov cavab verib ki, indi “media fəaliyyətinin vaxtı deyil”.

Şayiələri təkzib etmək üçün Rusiya Müdafiə Nazirliyi Şoyqunun videobağlantı vasitəsilə həmkarları ilə əlaqə saxladığı video yayımlayıb.

Ətrafı videoda:

Azadsoz.com

• Teqlər:
• KQB
• YuriŞvets
• SergeyŞoyqu